第一次去食，簡簡單單天橋下幾張枱，仲諗緊唔知有咩好食，一個女仔淡定同我哋講：「喂 ~ 今日漏咗條匙，啱啱先買完餸返唻，得冷盤食住先好唔好？」突然好似去咗個朋友屋企咁，而唔係店員vs顧客。我哋食咗個黑啤雪糕，係幾好味。最特別係「自由定價」，你覺得值幾多就俾幾多，佢哋又真係信晒我哋，放錢落去時唔會望住。
不過建議唔太肚餓去，因為鋪仔細細做唔切。不過又咁講，去「蘇波榮」，最值得食嘅係嗰份人情味，坐得落去，大家都好open好friendly，好似返返去以屋邨係人都傾得計嘅狀態。希望大家有閒情時，不妨去探吓「榮哥」啦
(圖片來源: Openrice)
